Ali樣です's profile§ ～アリの幻想Рагаdīsēの神祕DI蕃藷星...PhotosBlogListsMore  |  Tools Help |
§ ～アリの幻想Рагаdīsēの神祕DI蕃藷星DI蕃藷國～ §≌ω≌β：いらしゃいませ～～では どうぞ～ |
||||||||||||||||||||||||||||||||||||
|
7/5/2009 07.05.我认命，但请玩我就好 真系要信命~我条命整定系“祸患随时至”，所以时不时有D湿滞嘢出现吓我都已经习以为常。但系唔该~你点玩我都得，唔好搞我阿妈啊！ 寻晚开始阿妈就发烧，我成晚都训得唔好，成日担心佢究竟退烧未~直到今朝，忍唔住要带佢去睇医生（我承认我应该寻晚就的佢去睇= =~）我睇见佢好痛苦咁嘅样，真系好心痛！等紧门诊嗰阵，佢突然翻晒白眼，然后仲全身抽筋，我叫佢都唔识得应我。嗰阵我除咗托住佢个头，叫医生同叫救命之外，唔知做到乜嘢~嗰刻捻到嘅全部都系D唔好嘅嘢，当年老豆嘅所有场面又再浮现出嚟！想话揾亲戚帮手，唔系去咗玩就系翻咗乡下，有时D嘢就系咁巧合，除咗靠自己！难得揾到表哥接电话，终于揾到人嗰刻，真系有D想喊，但系既然喊解决唔到问题，并无意义，所以亦都无喊嘅必要。我真系好惊啊~~~我唔敢想象变成孤儿一样咁嘅生活会系点。。。老豆走咗8年，单亲家庭绝对唔会有昔日嘅幸福，但系妈咪就系我唯一嘅精神依靠~当然我明白人其实系好脆弱嘅，有时~话走就走架喇。所以，我一直小心翼翼唔想再有咩“意外”，对我而言，而家最重要最珍贵~就只有妈咪。 总结多年经验，上天的确很喜欢玩弄我，唔紧要~我认命架！！但系请唔好连我最后嘅依靠都剥夺埋~~~我咩都无架喇，无爱情唔紧要，起码唔系生活必需品；无钱都唔紧要，可以自己节俭D；无老豆~虽然紧要，但系亦都改变唔到事实，那就算了；但系请留下妈咪俾我~~~我都只系人，并唔系所有挫折都可以坚强撑过去，我就只要呢样~咁就足够喇。 5/18/2009 05.18.回校怀缅 寻日，我终于得偿所愿地影翻我D“光荣历史” ~回忆我嘅“光辉时代”——27 知道星期日系“参观开放日”之后，我义不容辞地要翻去27影翻我嘅“光荣历史” ——挂咗系学校7、8年嘅环保标语！点解要影？？小女不才~作者正是小女。而且仲最近先突然揾到，原来我这个“环保标语”当年还是一等奖的（不是阿妈那天揾到我袋奖状，我还不知道原来有发过奖状添啊）。PS一吓，当时其实仲有过硬笔书法二等奖架！我都唔记得自己写咗D乜喇~但系最风光嘅时候永远都系记忆犹新嘅，而且学校咁俾面挂咗咁多年~一定要留翻D证据（证明我当年几威水）O(∩_∩)O哈哈~~ 望住貌似熟悉~但系又貌似唔同嘅景色，嗰种感觉真系好难形容！好怀念~好惆怅~好“想回到过去”。。。。。。所有当年嘅点点滴滴、人物、事情、甚至感情都全部重温。将学校嘅每一个角落影晕之后~依依不舍地离开咗而家名为“越秀区外国语学校”嘅27，以后都未必有机会再翻嚟，但系，我永远都记得我最光辉嘅时代——27中。 5/6/2009 05.06.问我的男同学们睇法各位我身边嘅男F&男同学，请你哋帮我捻吓：“咩原因令到我到而家都未有一个男生对我有好感呢？”呢个问题我真系好想知~如果咁岩你哋睇到日志，真系好想你哋认真咁答我。 始终都忍唔住要写啊~虽然最后未必可以达到最终目的，但系同往常一样宣泄情绪就好！ 前日上网见到大学同学~除咗基本嘅模式对话，仲问咗句：“你而家有无拍拖啊？”令到本嚟已经几乎忘记仲有“拍拖”呢个名词，又再重新思考呢个问题！就正如我同距讲一样，未揾到工，又点会拍拖呢~都未识到新嘅人，至于身边嘅（距问起身边嘅男F），亦都系嗰句：系有feel嘅就有咗好耐啦！ 然后，距就丢低咗呢个问题：“咩原因会令我都而家都仲等紧初恋？”性格问题？相处方式？。。。。。。我都好想知，如果今年再见唔到所谓嘅“真命天子”，系咪就以后都嫁唔出？哈~真系唔识点讲，俾距挑起我条根~就冲动要知喇。(*^__^*) 嘻嘻……果然唔系几够理智呢。 4/10/2009 04.09.情绪失控＝＝人，需要理智～当情绪系某程度上达到咗极限，原来真系唔系单靠理智可以控制得到，呢个时候就会出现思想同行为唔一致嘅状况＝＝
今日完全体验到嬲到手都震晒，同激动到喊嘅感觉。。。原因系我只猫偷咗人哋送俾我嘅手信——牛肉干。（ 囧rz我知你而家咩表情）我并唔系话十分喜爱牛肉干，亦都唔系因为距食咗个半包…当日日都重复住同样嘅教育（对只猫），而距亦好“坚毅”咁有自己嘅“原则”嘅时候，信我～你会想捏死距！！我家的猫坏习惯一箩，日日唔系呢样就嗰样～真系教得好疲累。细路仔打得多都会听话D啦～但系距就仲衰过细路仔。你明白麽？人养猫，我养猫。我养得比养细路更难…囧rz
唔知系咪今日拜完老豆～所以我已经好攰喇。虽然我并唔觉得平时有唔开心嘅感觉，可能…压抑都有一D嘅，所以今晚呢种情况～我有点半失控的状态。只死猫偷到咩食得嘅都担晒去床下底＝＝，唔系我听到沙沙声，都唔知距拖咗我成包手信入去。想吓距出黎又吓唔到，仲反而搞到距赖屎系入边～我嬲到豁出去喇，一个人掀起晒一张双人床嘅所有配件（包括棉胎、床褥等）抓咗只死嘢出去“监禁”先，然后就清理现场。一边清理就一边不自觉地喊...其实我捻紧：“喊乜啫～你又唔系在乎牛肉干，又唔系乜大事，又唔系第一次，喊乜鬼啫”，但系距就系自己出啊嘛…（就系那个思想同行为唔一致嘅状况）手很痛～人很烦～情绪乱～眼泪飙＝＝，劲样衰咯。嗰刻人真系想有人安慰啊～思想就明白，呢种状况安慰只会有反效果~我果然还是不太理智的类型 囧rz
教育者真系需要很多“心”：爱心、耐心、真心、忍心……所以当年唔听阿妈讲去做幼师系啱嘅（因为我明白我绝对会打学生＝口＝），有D理解父母嘅心情同思想～果然系很攰嘅一份差事。虽然觉得自己很丢架～T口T，都依然写出黎，这样我会舒服D！ 3/25/2009 03.25.出疹惊魂 寻日睇完门诊，捻住会无事架啦～点知夜晚12点又再出过，而且仲面啊～脚啊～蔓延全身都有。 老实讲真系好惊咯～连续几晚都系咁嘅时间出疹，仲要越出越多～又痕～又发热～而且好似跟住D血液黎出咁～出亲都系D血管位。。。捻吓捻吓就惊唔知会唔会系“红斑狼疮”～可能你哋未知“红斑狼疮”嘅厉害～如果我话你知系绝症～只可以控制，永无根治，貌似仲係传染性嘅添。咁你哋会唔会理解到嗰个严重性呢？ 真系好担心啊～搞到成晚都训的唔好，成日想快D起身再去睇医生。医院一开诊就去挂号喇，而且担心西医唔够全面，连中医都挂埋～担心到我坐立不安。由于早到医生都未翻工，就去睇咗中医先～可能我同阿妈都一副担心到死嘅样子，当我哋问医生系咪“红斑狼疮”嗰阵，医生都话“唔好乱捻嘢～无事嘅，‘红斑狼疮’唔系咁样架”。直至中西医都断定唔系“红斑狼疮”先真正放下心头大石～ 不过西医就话身体唔知点受压（总之唔系平时讲嘅压力啦），所以出现咁嘅症状～可能要打个两三个星期针。。。今日仲加强地帮我打咗穴位针（同阿妈之前打嗰D封闭针好似＝＝），话慢慢调节翻压力平衡涡。总之唔系搞大锅就乜都无所谓喇～我仲有大把世界架，好多嘢都未做过～而家打针算得什么，我顶得顺。 3/23/2009 03.23.临晨2点睇风疹＝＝ 寻晚出风疹（即系风LAN呢）啊～吓死我啊～最怕就出风疹架喇
距离上次已经系10几年前嘅事喇～嗰阵我又问过阿妈，如果距一路出落去会点，距话会出到面啊～头啊～都会肿起晒，一旧旧咁。。。＝口＝，所以我印象中风疹真系好可怕
其实开头唔知架～以为可能帮阿妈扬过张床，有滋咬啫～而且都奇怪～我明明朝早先洗完头，但系会咁痕架呢？后尾到夜晚嗰阵觉得好似唔系几对路～越整越痕～越出越多，咪拿拿声食粒开瑞坦。无缓解到症状～仲继续出添（唔知系咪过咗期＝＝），一直持续到两点几，终于忍唔住，过咗对面医院睇急诊。。。囧rz（早知系咁就一早过去睇唔驶搞咁多嘢啦）
可能已经出到好大面积，所以除咗打针之外，仲要另外吊瓶小针＝＝～搞掂晒，翻到屋企都4点几喇。。。我同阿妈都二话不说，训觉先讲～由距训到几时就几时。。。
再一次重温风疹嘅威力。。。实在得人惊。。。我唔要再出喇～T口T 放过我啦～
3/10/2009 03.10.差D倾家荡产、一贫如洗今日差D倾家荡产～100％差D俾人呃晒全副身家。 今朝晨早就有个“电讯局”嘅电话打黎，话我哋欠咗3000几蚊电话费，再唔交钱就停机，嗰阵我哋两母女都未训醒，当然第一反应就奇怪点解会欠咁多钱，仲话我哋同东莞嘅一个电话绑定咗，要我哋俾钱。咁嘅状况吓～当然有D六神无主，解释完全系无呢回事。然后嗰个“话务员”就话可能涉及资料盗用，帮我哋接去公安局～可能大家呢个时候就会话：“好明显系假架啦，点会信距啫”。但系老实讲，如果唔系真系亲身经历过或者身边有人发生过，真系会信咯。 然后距就接咗去“东莞公安局”，话等我哋可以报案。嗰个“干警”真系依足“程序”做嘢架涡～仲要都好PRO吓架，后黎仲转咗去“经济犯罪调查科”嘅科长“李建国”黎处理，话因为事态有D严重，一定要快D处理。又录低呢样又录低嗰样～仲要好似审犯咁审问嘢，真系“认真到你唔信”啊！当时我哋真系以为系真架，所以俾咗好多私人资料俾距，甚至连边间银行有几多个户口，入边各有几多钱都讲埋～距讲到似层层咁，又话到时要俾法官睇证明，又话会冻结嗰D无记低嘅户口。我哋两母女懵懵吓咁就信咗距～仲真系傻到去建行拿晒D钱出黎～因为距话以我妈嘅名义系建行度有个户口，仲已经刷咗3800多。听到咁讲，第一反应当然就系怕距会郁到我哋D钱啦。咪拿拿声去银行拿晒D钱～仲真系傻到听距讲转晒入工行涡，而且仲指定一定要存活期，理由就话会安全D，而且仲话呢个关系到案件查处，叫我哋唔好同银行D人同周围讲，话怕走漏风声会捉唔到人。阿妈呢个时候都已经开始有D怀疑，点解唔可以存定期，指定要存活期呢？但系话晒都系自己辛辛苦苦蓄嘅钱，做嘢做咗几廿年先得嗰少少积蓄，梗系唔想就咁无咗啦。所以我哋都系照做咗～（我知你哋而家实系闹紧我蠢架喇）虽然话转咗户口啫～但系都系转翻我哋自己工行嘅户口，点都仲有层保护啊。 等我哋搞掂晒之后，要坐车翻屋企喇～距又打电话黎， （其实而家捻翻，距打咁多电话黎都好有问题，警察做嘢点会打电话打得咁密先得架），距话帮我哋问咗工行嘅总行长，要我哋去翻工行，话要帮我哋升级密码，咩由16位升级到19位。我已经怀疑距：“点解系去柜员机升级，而唔系去对人服务升级？”而距就解释为银行嘅员工都系距调查重点对象，所以唔可以俾距哋D。CUT咗电话之后，我觉得劲唔妥咯，越黎越似新闻讲嗰D骗局，但系又好惊会系事实咁点算。咁啱呢个时候我又揾唔到我妈，人哋送洗衣机D人又咁啱嗰阵黎。咁我就胆粗粗咁打去110问，捻住“想知呢个科长系真系假，打110问吓有无呢个人咪知咯”。后黎我啱啱同报案嗰度讲啫，距就已经话“话你欠话费啊嘛，你俾人呃咗喇”，答案就已经呼之欲出啦，然后我问距“经济犯罪调查科有无呢个李建国嘅科长”嗰阵，距好清晰咁答我“无D咁嘅科架，更加唔会有呢个人”。哇～直头即时醒晒啊。我就同距讲我哋俾咗好多私人资料俾距，咁点算。距话“如果无乜损失就唔好再理距，如果有损失就黎落案啦” 一证实咗呢样嘢～就算距再讲乜我哋都唔驶再理距啦。我拿拿声打俾我妈叫距唔好再赶，而且仲同距一齐去电讯局（真正嗰个啊）check咗吓，根本就无咩绑定电话！！而且都无欠费！！嗰个电话亦都无欠费！！真相大白晒啦～～～～所有嘢都系骗局。由于我哋而家就真系资料外泄咗，都好惊距哋会动用到我哋D积蓄，所以又再磅磅声赶去银行将D活期转翻晒定期。又再打俾我系银行做嗰个F问清楚，系咁嘅情况会唔会有危险。 认清晒所有事实之后，成个人都软晒啊。晨早就出咗去搞D咁嘅嘢～搞咗成半日，原来系个局黎咯～虽然话D钱系我妈嘅，但系距有事，我点会唔理先得架。如果真系做到最后，我哋屋企就真系同俾人洗劫过无乜分别，分别就在于：自愿俾人洗劫咯＝＝。到时真系倾家荡产、一贫如洗啊～好在系临门一脚都识得转弯，仲识得怀疑，唔系真系好似我F话斋：“到时喊都无眼泪啊”。 我知好长，你哋睇得好唔耐烦架喇～但系我今日拿件事出黎讲，系想大家知道，呢个世界周围都系衰人坏人，无论系边个同你讲乜，你哋都要提防咯，有时就系嗰一刻嘅怀疑，就可以挽救翻一生咯。 |
瞬間轉移到我嘅其他城池
|
私人直升機送你去各個友盟國
|
||||||||||||||||||||||||||||||||||
后续：第晚又再出过啊～T口T，而且吊完针翻到屋企训觉都仲有继续出啊。。。成晚辗转反侧都训唔着～但系又无办法。。。后黎临近朝早终于训得着。。。
|
|
